?

Log in

Кніга Балахонаў Сяргей. Зямля пад крыламі Фенікса (разьдзел МАСТАЦКАЯ ПРОЗА)balachonau_siarhiej_ziamla_pad_krylami_fieniksa_VOKL_W200

Думаеш, ты добра ведаеш беларускую гісторыю? Скажы тады, у якіх стагоддзях птушка фенікс і аднарогі насялялі наш край? Што маляваў Францішак Скарына ў сваім дэмбельскім альбоме? Як адзначалі літвіны-беларусы сваё вяртанне з Месяца? Каля якога беларускага горада адбыліся падзеі, што сталі асновай для сюжэта відэагульні пра Супер-Марыё?
Калі не маеш што адказаць на ўсе гэтыя пытанні, дык найлепшым дарадцам для цябе будзе кніга Сяргея Балахонава “Зямля пад крыламі Фенікса. Нарысы з паралельнай гісторыі Беларусі”. Мноства неверагодных фактаў, сенсацыйных адкрыццяў і парадаксальных высноваў знойдзеш на старонках гэтае кнігі.


Read more...Collapse )

babkou_ihar_chvilinka_VOKL_200Кніга Ігар Бабкоў. Хвілінка (разьдзел МАСТАЦКАЯ ПРОЗА)

Гэта гісторыя пра адну менскую кавярню. Расповед пра трох герояў, якія трапляюць у яе напрыканцы васьмідзясятых і адтуль не выходзяць.
Тры сябры: паэт, змагар, спявачка. Кожны з іх, пражываючы эпохі, трымаецца свайго выбару.
Паэт застаецца сярод шаманства словаў. Змагар ідзе да канца, хаця й разумее, што ў гэтым спектаклі больш няма за што змагацца. Спявачка хоча знайсці музыку кону з ёй супасці.
3 іншага боку, ёсць другі план. Метафізічны. 3 гэтай перспектывы перад намі — алхімічная гісторыя пра mysterium coniuctionis, магічны тэатр душы, персанажы якога прыбраныя ў вопратку часу.

Раман пра месцы, у якія мы патрапляем, і месцы, у якіх мы застаемся.

Read more...Collapse )

Мы вяртаемся ў Жывы Журнал. Сумна нам без улюбёнага ЖЖ :-)

Сустракайце нашыя навінкі!


CD Рада. ГараМузычны дыск Рада. Гара. Традыцыйны мужчынскі сьпеў (разьдзел МУЗЫКА/ФАЛЬКЛЁР)

Гурт “РАДА” — пераемнік традыцыйных сьпеваў, пачутых падчас экспедыцыяў па беларускіх вёсках. Гэта суполка людзей, не зьвязаных з этнаграфіяй і культуралёгіяй прафэсійна, але аб’яднаных глыбокай цікаўнасьцю да беларускай традыцыі.

У альбом увайшлі застольныя, шыхтовыя, рэкруцкія песьні, запісаныя на Палесьсі — пераважна на Століншчыне і Тураўшчыне.


Будзьма. Круглы год з беларускай гісторыяй. Каляндар на 2014 годКаляндар Будзьма. Круглы год з беларускай гісторыяй. Каляндар на 2014 год (разьдзел КАЛЕНДАРЫ/РОЗНАЕ)

“Будзьма беларусамі!” выдала каляндар на 2014 год, створаны паводле матываў знакамітай мультыплікацыйнай стужкі, якую кампанія выпусціла ў 2011 г.
Адаптацыю кадраў мультфільма для календара зрабіла Юлія Рудзіцкая, а вершы перапісаў пад каляндарны фармат Лявон Вольскі. Нагадваем, што анімацыйны фільм “Будзьма беларусамі!” стаў прызёрам шматлікіх конкурсаў і сабраў больш за мільён праглядаў на розных сэрвісах. Аўтары ідэі — Юлія Ляшкевіч і ГКК “Будзьма беларусамі!”.
Хай найцікавейшая беларуская гісторыя будзе з намі круглы год!
(Паводле BUDZMA.ORG)



Зборнік “Вусцішны пакой” змяшчае творы самых розных аўтараў з розных краінаў і эпох, аб’яднаныя агульнай атмасферай таямніцы, якая застаецца нават тады, калі акторы здымаюць маскі, а таксідэрміст тлумачыць усе тонкасці свайго майстэрства. Жанравая разнастайнасць твораў — ад класічнага гатычнага апавядання Мантэгю Родса Джэймса да мадэрнісцкай навелы Марыю ды Са-Карнэйру і казкі Баляслава Лесьмяна — сведчыць пра нязменную цікавасць пісьменнікаў і чытачоў да загадкавых з’яваў прыроды і цёмных бакоў чалавечай натуры.

Краіна Беларусь. Вялікае Княства Літоўскае (другі варыянт вокладкі)Кніга Краіна Беларусь. Вялікае Княства Літоўскае (другі варыянт вокладкі) (разьдзел ГІСТОРЫЯ/НАВУКОВА_ПАПУЛЯРНАЯ ЛІТАРАТУРА)

Кніга ў пэўным сэнсе з’яўляецца працягам папулярнага ілюстраванага выдання “Краіна Беларусь”. Займальная і даступная для чытача любога ўзросту, яна прысвечаная найцікавейшай эпосе нашай мінуўшчыны — часам Вялікага Княства Літоўскага. У гэтай магутнай еўрапейскай дзяржаве, дзе скансалідаваўся беларускі народ, беларускія землі адыгрывалі вызначальную ролю, а беларуская мова была дзяржаўнай. Сваёй гістарычнай радзімаю Вялікае Княства Літоўскае лічаць і летувісы, і ўкраінцы, якія доўгі час жылі з беларусамі ў агульнай краіне, а таксама беларускія татары і габраі-літвакі.

Цяпер пад новай вокладкай!



Пятровіч Барыс. Спачатку была цемраКніга Пятровіч Барыс. Спачатку была цемра (разьдзел МАСТАЦКАЯ ПРОЗА)

Мы жывём, пакуль святло ў нас перамагае цемру… Да такой высновы прыходзіць галоўны герой гэтай кнігі, які прабыў без прытомнасці — у цемры — амаль тры гады і паступова вяртаецца да жыцця, згадваючы, хто ён, адкуль і за што яго хацелі забіць… Падзеі разгортваюцца ў 90-я гады мінулага стагоддзя ў жахлівых умовах закінутага дома-інтэрната на чарнобыльскім Палессі, на фоне вялікіх пераменаў, што адбываліся тады ў незалежнай Беларусі.


Гэты нумар літаратурна-мастацкага часопіса “Дзеяслоў” адметны вялікай колькасцю твораў і аўтараў — на яго старонках апублікаваўся 31 творца. Асноўная ўвага надаецца паэзіі — арыгінальнай і перакладной. Аўтары нумару: Алесь Бяляцкі, Вера Бурлак, Ева Вежнавец, Льюіс Кэрал, Уладзімір Някляеў, Сяргей Рублеўскі, Анатоль Сідарэвіч і іншыя.



Сачыць за навінкамі KNIHI.BY можна таксама праз "Facebook", праз “Twitter”, праз "УКантакце".
Шаноўнае спадарства!

Навіны KNIHI.BY у ЖЖ-фармаце больш выходзіць ня будуць.

Мы прыйшлі да меркаваньня, што анансаваць навінкі праз Facebook і Twitter больш зручна і апэратыўна.

Таксама навіны сайту можна атрымліваць пра з рассылку з сайту (падпіска для зарэгістраваных карыстальнікаў у профілі на сайце) і праз падпіску на нашую суполку на Google Groups.

Навіны ў ЖЖ могуць быць адноўленыя пры наяўнасьці нейкай колькасьці зацікаўленых людзей. Таму, каму зручна было дазнавацца пра навінкі KNIHI.BY менавіта праз ЖЖ, пішыце ў прыват ці ў камэнтарах да гэтага допісу.

З павагай, адміністрацыя KNIHI.BY


Кніга Адамчык Вячаслаў. Нязрушаны камень (разьдзел МАСТАЦКАЯ ПРОЗА)

У кнізе выдатнага беларускага літаратара Вячаслава Адамчыка (1933—2001) сабраныя апавяданні апошніх гадоў жыцця. Аўтар склаў зборнік літаральна за некалькі месяцаў да смерці. Проза Адамчыка вылучаецца шчырасцю, тонкім лірызмам і своеасаблівай дасканалай моваю. Творчасць Вячаслава Адамчыка ― узорны прыклад служэння ідэалам Бацькаўшчыны.


Сэрцайка. Сувэнірны магніт
Сэрцайка. Сувэнірны магніт
. Сувэнірны магніт (разьдзел РОЗНАЕ/МАГНІТЫ/СУВЭНІРЫ)

Няхай магніцік ня толькі прымацуе пяшчотную цыдулку, але і прымагніціць сэрца любага чалавека.



Быкаў Васіль. Прыпавесьці / Bykau Vasil. Parables
Кніга Быкаў Васіль. Прыпавесьці / Bykau Vasil. Parables (разьдзел МАСТАЦКАЯ ПРОЗА/ПЕРАКЛАДЫ)

Прыпавесьці клясыка беларускай літаратуры Васіля Быкава (1924 2003) упершыню выдаюцца ў перакладзе на ангельскую мову.
Перакладчыкі гэтай кнігі, з глыбокай пашанай ставячыся да асобы Васіля Быкава, прыклалі ўсе намаганьні, каб перадаць па-ангельску ўсю ідыяматыку быкаўскай мовы і захаваць адметна-беларускую іронію арыгінальнага тэксту.


Часопіс Дзеяслоў 51 (2’11) (разьдзел МАСТАЦКАЯ ПРОЗА/ПАЭЗІЯ/ПЕРАКЛАДЫ/ЭСЭІСТЫКА)

Замежная літаратура ў новым нумары прадстаўленая вялікай падборкай твораў знакамітага польскага пісьменніка Чэслава Мілаша, 100-годдзе якога святкуецца сёлета ва ўсім свеце. Упершыню па-беларуску надрукавана Нобелеўская лекцыя Чэслава Мілаша.

Таксама ў 51-ым нумары пачатак вялікага раману Віктара Карамазава, працяг біяграфічнага раману Славаміра Адамовіча, апавяданне Вінцэся Мудрова “Нячысцік”. Шмат крытыкі, літаратуразнаўчых артыкулаў, ну і, як звычайна, цудоўная беларуская паэзія.

Традыцыйна часопіс “Дзесялоў” друкуе дэбютантаў, на гэты раз іх адразу чацвёра - гэта паэты Уладзімір Плавінскі, Яўгенія Носарава і Аляксей Абрамчук, а таксама празаік Уладзімір Садоўскі. А таксама змешчаны ў нумары артыкул літаратурнага крытыка Алесі Лапіцкай пра новы зборнік прозы беластоцкага празаіка Міхася Андрасюка “Вуліца Добрай Надзеі”.



Беларус з конікам. Сувэнірны магнітБеларус з конікам. Сувэнірны магніт (разьдзел РОЗНАЕ/МАГНІТЫ/СУВЭНІРЫ)

У тумане між разор
Дзе каліна ўецца,
Не стрымана, як віхор,
Чорны конь нясецца.
Ты ляці, ляці, звіні
Між азёр і гаю,
І дзяўчыну дагані,
Тую, што кахаю.
Гэй, мой конік вараны,
Сэрцам бег твой чую,
Б’юць падковы, як званы,
Аб зямлю сырую.

Цалкам навіны ад 17.05.2011 ТУТ.
Кніга Летапісы і хронікі Беларусі (разьдзел ГІСТОРЫЯ)

Кніга, якую рэдакцыя аддае ў рукі чытача, утрымлівае практычна ўсе вядомыя на сённяшні дзень беларуска-літоўскія летапісы. Яе змест укладзены на базе 32-га і 35-га тамоў Поўнага збору рускіх летапісаў і забяспечаны прадмовай, якую напісаў да іх Мікола Улашчык. У Дадатках змешчаныя ўрыўкі з Іпацьеўскага, Наўгародскага, Пскоўскага першага, Пскоўскага другога, Пскоўскага трэцяга, Цвярскога летапісаў і Рагожскага летапісца, якія істотна дапаўняюць, а часам падаюць у зусім іншым святле тыя ці іншыя падзеі, адлюстраваныя ў летапісах айчыннага паходжання. Шмат у іх звестак, якія зусім адсутнічаюць у нашых летапісах.

Кніга Барыс Сымон. Як у нас клічуць? (разьдзел ДАВЕДКАВЫЯ ВЫДАНЬНІ/НАВУКОВАЯ ЛІТАРАТУРА)

Гэтая кніжка складаецца з двух слоўнікаў. У першым з іх — “Асабовыя імёны” — змешчаныя асабовыя імёны, якія бытавалі і бытуюць у розных жыхароў сучаснай Беларусі. Тут даюцца паходжанне і сэнсавае значэнне кожнага імені, вытворныя экспрэсіўна-эмацыянальныя словы ад яго, дні імянінаў паводле праваслаўнага і каталіцкага календароў. У другім слоўніку — “Беларускія імёны” — друкуюцца тыя традыцыйныя мужчынскія і жаночыя імёны беларусаў, што бытавалі ў розны час. Яны прапаноўваюцца маладым бацькам, калі яны хочуць, каб іхныя дзеці заставаліся ў гэтым свеце беларусамі.

Кніга Сін Ілля. Тэатральныя дэманы (разьдзел МАСТАЦКАЯ ПРОЗА)

Вандроўка на субмарыне па затопленым Менску спакваля пераўтвараецца ў экскурсію па нетрах падсвядомасьці аўтара, знаёмства зь яе флёрай і фаўнай. Кніга населеная безьліччу эфэмэрных і яўна прыдуманых істотаў, якія і далі ёй назву. Часам публіка нібы адчувае сябе за кулісамі аматарскага тэатру, дзе любая трагедыя пераўтвараецца ў фарс. Але ўсё ж напрыканцы гэтага трыпу вас можа наведаць нязмушаная надзея на сапраўднасьць...

Паштоўкі Каханне кожны дзень… (разьдзел РОЗНАЕ/ПАШТОЎКІ)

Набор з 7 арыгінальных паштовак на кожны дзень тыдня.
© ІП Бахун Т. У. Памер 100х100 мм.
Дорым цяпло каханым дзень пры дні ды не забываймася, што “каханне — гэта тэарэма, якую трэба даказваць штодзень”.


Кніга Гесэ Герман. Стэпавы воўк (разьдзел МАСТАЦКАЯ ПРОЗА/ПЕРАКЛАДЫ)

Раман “Стэпавы воўк” — адзін з найбольш вядомых твораў лаўрэата Нобелеўскай прэміі (1946) Германа Гесэ (1877—1962).
"Я, натуральна, не магу і не хачу прадпісваць чытачам, як яны маюць разумець маё апавяданне. Няхай кожны сам сабе выбірае, што яму пасуе і што можа быць карысным! Але мне было б прыемна, калі б многія самі заўважылі, што гісторыя Стэпавага ваўка, хоць і паказвае хваробы і крызіс, але не ёсць гісторыяй, якая вядзе да смерці, да пагібелі, а наадварот: да ацалення"
(З пасляслоўя аўтара)


Кніга Кавалёў Сяргей. Сёстры Псіхеі (разьдзел ДРАМАТУРГІЯ)

У зборнік ўвайшлі новыя п’есы Сяргея Кавалёва, які застаўся верны свайму герменеўтычнаму метаду выкарыстання міфаў, легендаў, літаратурных сюжэтаў. Але гэтым разам да беларускіх матываў далучаюцца алюзіі і цытаты з сусветнай літаратуры, а міф робіцца своеасаблівым павелічальным шклом, праз якое драматург глядзіць на сучаснасць.


Цалкам навіны ад 27.04.2011 ТУТ.
Кніга Адамовіч Славамір. Рым (разьдзел ПАЭЗІЯ) Адамовіч Славамір. Рым

Вершы Славаміра Адамовіча па-ранейшаму закранаюць адвечныя пытанні, якія хвалююць чалавечую душу: каханне, воля, лад у грамадстве і лёс Бацькаўшчыны. На паэтычнай ніве яны выяўляюць арыгінальнага і адметнага сваім майстэрствам аўтара.


Бабарэка Адам. Збор твораў у двух тамахКніга Бабарэка Адам. Збор твораў у двух тамах (разьдзел КРЫТЫКА/МАСТАЦКАЯ ПРОЗА/ПАЭЗІЯ)

Цяпер усё апублікаванае А. Бабарэкам пры жыцьці выглядае толькі надводнай часткай айсбэргу, бо большая частка таго, што стваралася пісьменьнікам, у друк ня трапіла альбо ўвогуле пісалася не для публікацыі. Шмат што засталося ў чарнавіках, накідах, плянах–схемах, “расшыфроўваць” якія даводзілася ўжо непасрэдна ў працэсе падрыхтоўкі гэтага выданьня. Такім чынам, сёньня зьявілася магчымасьць адэкватнай ацэнкі творчасьці і асобы Адама Бабарэкі, а таксама літаратурнага працэсу 1920—30–х гг. увогуле.



Качук Юры. Моц смакуКніга Качук Юры. Моц смаку (разьдзел КУХАРСТВА)

Рэдзька са шмальцам, сёрбанка са свежых грыбоў, мясны прыварак, рыба па-гультайску, ліповая настойка — разам 361 унікальны рэцэпт беларускіх страваў і напояў пад адной вокладкай!
Усе стравы аўтар сам прыгатаваў і пакаштаваў. Большасць рэцэптаў суправаджаюць і фотаздымкі. А дзе фотаапарат не мог перадаць усяго каларыту, ілюстрацыі замянілі на нацюрморты Васіля Шамрука.

Рыжкоў Віталь. Дзверы, замкнёныя на ключы + CDКніга Рыжкоў Віталь. Дзверы, замкнёныя на ключы. + CD (разьдзел ПАЭЗІЯ/ПЕРАКЛАДЫ)

Першая кніга вершаў Віталя Рыжкова змяшчае выбраныя тэксты, напісаныя ў Магілёве і Мінску з 2002 да 2010 года, асобны раздзел склалі паэтычныя пераклады. Аўдыёдадатак утрымлівае пакладзеныя на музыку вершы і пераклады ў выкананні аўтара і перакладчыка.

Кніга Луцкевіч Антон. Да гісторыі беларускага руху (разьдзел ГІСТОРЫЯ/ПУБЛІЦЫСТЫКА) Луцкевіч Антон. Да гісторыі беларускага руху

Кніга мае загаловак “Да гісторыі беларускага руху”, бо тэксты, зьмешчаныя ў ёй, — гэта падрыхтоўчы матэрыял для тых, хто некалі возьмецца і напіша фундамэнтальную гісторыю барацьбы за вызваленьне беларускага народу ад сацыяльнага, нацыянальнага, палітычнага і духоўнага ўціску. Уласна кажучы, уся творчасьць Антона Луцкевіча — як бы дзёньнік гэтае барацьбы, самае жывое яе сьведчаньне.


Цалкам навіны ад 29.03.2011 ТУТ.



Навіны ад 10 сакавіка 2011 г.

Вітальд Бярнацкі. Паўстаньне Хмяльніцкага

Кніга Вітальд Бярнацкі. Паўстаньне Хмяльніцкага (разьдзел ГІСТОРЫЯ/ПЕРАКЛАДЫ)
Гэтая праца прысьвечаная падзеям літоўскага тэатру ваенных дзеяньняў напрыканцы лета і ўвосень 1648 г. ды ўзімку 1649 г., а таксама летняй кампаніі князя Януша Радзівіла, што завершылася ягонай бліскучай перамогай над коннай казацкай арміяй ля Лоева 30 ліпеня 1649 г.


Бартушка Марк. Партызанская вайна ў Беларусі ў 1941-1944 гг.

Кніга Бартушка Марк. Партызанская вайна ў Беларусі ў 1941—1944 гг. (разьдзел ГІСТОРЫЯ/ПЕРАКЛАДЫ)
Кніга будзе цікавая аматарам самых разнастайных вэрсіяў найноўшай беларускай гісторыі. Тут знойдзеце разьдзелы, прысьвечаныя калябарантам, нямецкаму тэрору ў Беларусі, савецкаму партызанскаму руху, польскаму нацыянальнаму супраціву на беларускіх землях, беларускім нацыянальным праблемам часоў Другой сусьветнай, а таксама ўкраінскаму і габрэйскаму рухам у Беларусі часоў нямецкай акупацыі.

Янсан Тувэ. Камета над далінай мумітроляў
Кніга Янсан Тувэ. Камета над далінай мумітроляў (разьдзел ЛІТАРАТУРА ДЛЯ ДЗЯЦЕЙ/ПЕРАКЛАДЫ)
Гэтая казачная аповесць — другая з серыі кніг, прысвечаных мумітролям,чароўным і забаўным істотам, прыдуманым і намаляваным выдатнай фінскай пісьменніцай і мастачкай Тувэ Янсан (1914—2001).

Цалкам навіны ад 10.03.2011 ТУТ.

Tags:

KNIHI.BY у ЖЖ

Прывітаньне! Пачынаем зьмяшчаць навінкі сайту КНІГІ — ПОШТАЙ у ЖЖ.

Навіны ад 28 лютага 2011 г.:

Прэс-фота Беларусі

Кніга Прэс-фота Беларусі 2010 (разьдзел ФОТААЛЬБОМЫ)
Альбом — вынік першага ў гісторыі конкурсу фотажурналістаў, своеасаблівы зрэз прафесійнага майстэрства беларускіх фатографаў, што працуюць у сферы медыяў.




Бардах Юліуш. Штудыі з гісторыі Вялікага Княства Літоўскага
Кніга Бардах Юліуш. Штудыі з гісторыі Вялікага Княства Літоўскага (разьдзел ГІСТОРЫЯ/ПЕРАКЛАДЫ)
У кнігу выбраных прац вядомага польскага вучонага ўвайшлі артыкулы па дзяржаўна-прававой гісторыі Вялікага Княства Літоўскага і праблемах нацыятворчых працэсаў у Цэнтральна-Усходняй Еўропе. Выданне змяшчае найпаўнейшую бібліяграфію навуковых публікацый гісторыка.

Цалкам навіны ад 28.02.2011 ТУТ

Tags: